စကားလုံး ဖောင်းပွနေသော ..၀ါကျများ

Thank For Facebook Admin
From Facebook အင်္ဂလိပ်ဘာသာ လေ့လာစရာ


“စကားလုံး ဖောင်းပွနေသော ..၀ါကျများ”
======================
(Wordy Sentences)

ကျွန်တော်တို့ နေ့စဉ်လုပ်နေသော အလုပ်များထဲတွင် လိုအပ်၍လုပ်ရတာရှိသကဲ့သို့ မလိုအပ်ဘဲ လုပ်နေရတာတွေလည်း ရှိပါသည်။အပိုလုပ်များကို လုပ်ခြင်းသည် ဘ၀၏အဖိုးတန်အချိန်များကို အလဟဿဖြုန်းတီးပစ်ခြင်းပင် ဖြစ်သည်။လိုအပ်သည်ကိုလုပ်၍ အပိုလုပ်များကို တတ်နိုင်သမျှ ရှောင်ရှားရန်မှာ ကျွန်တော်တို့၏ တာဝန်တစ်ရပ်ပင်။

အင်္ဂလိပ်စာတွင်လည်း...ထို့အတူပင် ဖြစ်သည်။ကျွန်တော်တို့သည် မလိုအပ်သော အပိုစကားလုံးများကို တစ်ခါတစ်ရံ သုံးမိတတ်ကြသည်။ထိုသို့..စကားလုံးအပိုအဆာများနှင့် ဖောင်းပွနေသော ၀ါကျကို ''Wordy Sentence"ဟု ခေါ်ပါသည်။

ဥပမာ.The people get so angry that they would like to take someone else's life and murder them.(လူထုဟာ သူတို့ကိုသတ်၍ ၀ိညဏ်နှုတ်ယူချင်လောက်အောင် ဒေါသထွက်နေကြတယ်)ဆိုသော ၀ါကျတွင် take someone else's life နှင့် murder them တို့သည် “သတ်”သည့်အဓိပါယ်ချင် အတူတူဖြစ်၍ နှစ်မျိုးစလုံးဖော်ပြရန် မလိုအပ်ပါ။ထိုသို့ မလိုအပ်ဘဲ စကားအပိုအဆာ ထည့်ထားသော ၀ါကျမျိုးကို wordy sentence ဟု ခေါ်ခြင်းဖြစ်၏။The people become angry enough to contemplate murder.ဟု ပြောင်းလဲ ရေးသားသင့်သည်။

She has no reason to grieve in sorrow when she has no one to blame but herself .(သူမကိုယ်သူမမှလွဲ၍ အခြားမည်သူ့ကိုမှ အပြင်တင်စရာ မရှိမှတော့ သူမအနေဖြင့် ၀မ်းနည်းကြေကွဲရန် အကြောင်းမရှိပါချေ။)ဆိုသည့် စကားလုံးများဖောင်းပွနေသည့် ၀ါကျကို She has no reason to complain since she herself is to blame.ဟု ပြောင်းရေးလျှင် ပိုမို ကျစ်လစ် လှပလာပါမည်။

ဝါကျကို စကားလုံးဖောင်းပွမှုမဖြစ်စေရန် “အဓိပါယ်တူစကားလုံးများကို တွဲထားသည့်စကားစုများ”(redundancies)ကိုလည်း သတိထားသင့်ပါသည်။ဥပမာ-Cooperate together ဆိုသော စကားစုတွင် cooperate သည်“အတူတကွ ပူးတွဲလုပ်ကိုင်သည်”ဟု အဓိပါယ်ပါပြီး ဖြစ်နေ၍ together (အတူတကွ) ဆိုသောစကားမှာ အပိုဖြစ်နေသည်။Cooperate ဟု တစ်လုံးတည်း ဆိုရပါမည်။အလားတူပင် Reverted (back) , Reflected (back) , (new) innovation ,red (in colour) , A (true) fact, fell(down) ,(final) outcome ...စသည့် စကားစုများတွင်လည်း ကွင်းခတ်ထားသော စကားလုံးများသည် အဓိပါယ်တူဖြစ်နေသဖြင့် ဖြုတ်ပစ်သင့်ပါသည်။

တစ်ဖန်..၀ါကျတစ်ကြောင်းတည်းတွင် စကားလုံးတစ်မျိုးတည်းကို နှစ်ခါထပ်မသုံးသင့်ပါ။ဥပမာ--Our sixth patient,in room five, is a mentally ill patient .“အခန်းငါးက ခြောက်ယောက်မြောက်လူနာသည် စိတ်ဝေဒနာ ခံစားနေရသော လူနာဖြစ်သည်။”ဟူ၍ patient (လူနာ)ကို နှစ်ကြော့ထပ်သုံးခြင်းသည် မလိုအပ်ပါ။ဝါကျကို စကားလုံးဖောင်းပွမှု ဖြစ်စေပါသည်။Our sixth patient,in room five, is mentally ill.ဟု ဆိုသင့်ပါသည်။

ထို့ပြင်...အဓိပါယ်တူဖြစ်သော်လည်း ရှည်လျားလွန်းလှသည့် စကားစုများကို ရှောင်ကြဉ်ရန် လိုအပ်ပါသေးသည်။ဥပမာ--due to the fact that နှင့် on account of အစား becauseကို အသုံးပြုသင့်ပါသည်။သို့မှသာ wordy sentence မဖြစ်အောင် ရှောင်ရှားနိုင်မည် ဖြစ်ပါသည်။ထို့အတူ--by means of အစား byကို သုံးသင့်သည်။Concerning the matter of အစား about ကိုသုံးသင့်သည်။Regardless of the fact that အစား although ကိုသုံးသင့်ပါသည်။At the present time အစား now( သို့မဟုတ်)currently ကို သုံးလျှင် ပို၍အဆင်ပြေပါမည်။

ဤသို့ မလိုအပ်ဘဲ စကားလုံးအတူများ တွဲဖက်အသုံးပြုခြင်း၊စကားလုံးတစ်မျိုးတည်းကို နှစ်ခါပြန် သုံးစွဲခြင်း၊မလိုအပ်ဘဲ ရှည်လျားထွေပြားသော စကားစုများကို သုံးစွဲခြင်း...စသည်တို့သည် စကားလုံးဖောင်းပွမှုကို ဖြစ်စေနိုင်သဖြင့် ၀ါကျကို တတ်နိုင်သမျှ ကျစ်လစ်ခိုင်မာအောင် ရေးသားနိုင်ရန်အတွက် ယင်းအချက်များကို ဂရုပြုသင့်ပါကြောင်း စုဆောင်းတင်ပြလိုက်ရပါသည်။