“ဝေါဟာရတစ်လုံးအား..ချဉ်းကပ်ခြင်း (၁)”

Thank For Facebook Admin
From Facebook အင်္ဂလိပ်ဘာသာ လေ့လာစရာ


“ဝေါဟာရတစ်လုံးအား..ချဉ်းကပ်ခြင်း (၁)”
====================
(How To Approach A Word)
-----------------------------------

ဘာသာစကားတစ်ခုတွင်..စကားလုံးများ(Words) ဖြင့် အခြေခံဖွဲ့စည်း တည်ဆောက်ထားသည်။စကားလုံးမရှိပါက..ဘာသာစကားတစ်ခုအဖြစ် ရပ်တည်နိုင်မည် မဟုတ်တော့ဘဲ ကွယ်ပျောက်ရုံသာ ရှိပါသည်။သို့ဖြစ်ရာ.. ဘာသာစကားတစ်ခုကို လေ့လာတော့မည်ဆိုပါက ရှေးဦးစွာ ဝေါဟာရစကားလုံးများကို ချဉ်းကပ်လေ့လာရပါသည်။ဘာသာစကားတွင်ရှိသော ဝေါဟာရ (words) များကို မိမိကိုယ်တိုင်အသုံးချနိုင်သော ကိုယ်ပိုင်ဝေါဟာရစု (Vocabulary)ဖြစ်လာသည်အထိအထောက်အကူဖြစ်နိုင်စေရန် ဝေါဟာရ တစ်လုံးချဉ်းကပ်ပုံပထမအဆင့်ကို ဖော်ပြလိုက်ပါသည်။

ရှေးဦးစွာ..ဝေါဟာရတစ်လုံးကို စတင်တွေ့ရှိလိုက်သည်နှင့် ၄င်း၏ စာလုံးပေါင်း(Spelling) မှစတင်ကာ ရေးမှတ်ရပါမည်။စာလုံးပေါင်းကို အထင်သေး၍ မရပါ။ဥပမာ..achieve ဆိုသောစကားလုံးကို ie ကို ei ဟုမှားယွင်းကာ acheive ဟု မှားယွင်း စာလုံးပေါင်းတတ်ကြသည်။ accomplish ကိုလည်း accommplish ဟု မှားယွင်းကာ m- ကိုနှစ်လုံးဆင့်၍ ရေးမိတတ်ကြသည်။စာလုံးပေါင်းရာတွင်..အပိုပါခြင်း၊လိုနေခြင်း၊ ရှေ့နောက်အစဉ်မှားခြင်းတို့သည် ကြီးမားသော အဓိပွါယ်မှားယွင်းမှုကို ဖြစ်စေသည်။ဥပမာ..dessertျနှင့် desert တို့တွင် s - တစ်လုံးနှင့် နှစ်လုံး မည်မျှကွာခြားသွားကြောင်း တွေ့ရမည်။Lair နှင့် Liar တို့တွင်လည်း ai နှင့် ia ပြောင်းလိုက်ရုံဖြင့် အဓိပွါယ်မှာ သိသိသာသာ ပြောင်းလဲသွားသည်ကို တွေ့ရပါမည်။သို့ဖြစ်သောကြောင့် ..ဝေါဟာရတစ်လုံးကို စတင်လေ့လာတော့မည်ဆိုလျှင် စာလုံးပေါင်းကို သေချာမှတ်သား၍ ချရေးရပါမည်။

ဒုတိယအဆင့်သိရန်မှာ..အဆိုပါဝေါဟာရ၏ အသံထွက် (Pronounciation) ပင် ဖြစ်သည်။စာလုံးပေါင်းကို သေချာမှတ်ခြင်းသည် စာရေးသားရာတွင် မှန်ကန်စေရန်ဖြစ်သကဲ့သို့ အသံထွက်ကို ရွတ်ဆိုကြည့်ခြင်းသည် စကားပြောရာတွင် မှန်ကန်စေရန်ဖြစ်သည်။အသံထွက်နှင့်ပတ်သက်၍ Intonation, Accent , phonetic symbol ,American pronounciation, ,homonym..စသည်ဖြင့် လေ့လာစရာတွေ များစွာရှိသည်။ဥပမာ..New York ဆိုသောစကားလုံးကို ဗြိတိသျှအင်္ဂလိပ်က “နယူးယောက်”ဟု အသံထွက်သော်လည်း အမေရ်ကန်က“ နူးယောက်”ဟု အသံထွက်သည်ကို တွေ့ရမည်။စကားလုံးတစ်လုံးတည်းကိုပင် အသံမြှင့်ဆိုသည့်အပိုင်း (stress)ပြောင်းလျှင် ထူးခြားမှုရှိသည့် ဝေါဟာရများလည်းရှိသည်။ဥပမာ..present တစ်လုံးတည်းကိုပင် PRESent (ပရက်ဇန့်) ဟူ၍ ရှေ့ပိုင်းကိုအသံမြှင့်(stress)ပြောလျှင် “လက်ဆောင်”ဟူသော နာမ်စကားလုံးကိုညွှန်းဆိုသည်။အကယ်၍ preSENT (ပရီဇန့်)ဟု နောက်ပိုင်းSENT ကို အသံမြှင့်ရွတ်ဆိုပါက “(လက်ဆောင်)ပေးသည်”ဟူသော ကြိယာစကားလုံးကို ဆိုလိုခြင်းဖြစ်သည်။တစ်ဖန် wound ကို ၀ုန်းဒ် ဟုအသံထွက်လျှင် “ဒါဏ်ရာ” ၊ ဝေါင်း -ဟု အသံထွက်ပါက ရစ်ပတ်ခဲ့သည်ဆိုသော ကြိယာကို ဆိုလို၏။ထိုသို့ စာလုံးပေါင်းတစ်ခုတည်းကိုပင် အသံကွဲသွားသွားသည်နှင့် အဓိပွါယ်ပြောင်းသွားသောစကားလုံးများကို Homographs ဟုခေါ်သည်။

အသံထွက်နှင့်ပတ်သက်၍..နောက်တစ်ချက်မှတ်ရန်မှာ အသံတူကြောင်းကွဲ စကားလုံးများ(Homophones)ပင်ဖြစ်၏။ ဥပမာ...sea (ပင်လယ်) ဆိုသောစကားလုံးကို “စီး”ဟု အသံထွက်မှတ်ကာ.. “စီး”ဟူသောအသံကြားတိုင်း ပင်လယ်ချည်းပြောတာဘဲဟု တစ်ထစ်ချမှတ်ထားလို့ မရချေ။see( မြင်သည်)ဟူသော စကားလုံးကလည်း “စီး”ဟုပင် အသံထွက်ပါသည်။အသံထွက်တူသော်လည်း စာလုံးပေါင်းကွဲ ၊အဓိပွါယ်ကွဲသောသံတူကြောင်းကွဲစကားလုံးများကို Homophones ဟုခေါ်သည်။ဤအချက်များကား..အသံထွက်လေ့လာမှုသည် မည်မျှအရေးကြီးကြောင်း..မီးမောင်းထိုးပြခြင်းသာ ဖြစ်ပါသည်။

တတိယအချက်..မှာ..အဓိပွါယ်ဖွင့်ဆိုချက်(Meaning) ဖြစ်သည်။စကားလုံး တစ်လုံးကို စာလုံးပေါင်းသိပြီး အသံထွက်တတ်သွားပြီဆိုပါက တစ်ဆင့်တက်ကာသိရန်မှာ ယင်းစကားလုံး၏ အဓိပွါယ် ဖွင့်ဆိုချက် ဖြစ်သည်။ ဥပမာ.. lair ကို (a person who tell lies)=မုသားပြောသူ၊လူလိမ်..စသည်ဖြင့် အဓိပွပါယ်ဖွင့်ဆိုရသည်။ အဓိပွါယ်တစ်မျိုးတည်းရှိသော..ဝေါဟာရများကို လေ့လာရသည်မှာ လွယ်ကူသော်လည်း အချို့စကားလုံးတို့သည် အဓိပွါယ် တစ်မျိုးမက ရှိတတ်သဖြင့် စာသင်သားများ မျက်စိလည်တတ်ပါသည်။ ၀ါကျတစ်ကြောင်းတွင် ဤစကားလုံးကို မည်သည့်အဓိပွါယ်နှင့် သုံးထားသလဲဆိုသည်ကို ပိုင်းခြားကြည့်နိုင်ရန်မှာ စာဖတ်အားကောင်းမှ လွယ်ကူနိုင်ပါမည်။မိမိက အဓိပွါယ်တစ်မျိုးတည်းဖြင့်သာ သုံးတတ်သောစကားလုံးကို စာရေးဆရာတစ်ဦးက အခြားတစ်နည်းဖြင့် သုံးပြထားတာတွေ့လျှင် ချက်ချင်း “ဝေါဟာရမှတ်စု” စာအုပ်၌ ကောက်ရေးမှတ်သင့်ပါသည်။သို့ဖြစ်၍ ဝေါဟာရတစ်လုံးကိုယ်ပိုင်ဖြစ်စေရန် အင်္ဂလိပ်စာများများဖတ်သင့်ပါကြောင်းနှင့် ဝေါဟာရချဉ်းကပ်မှု ပထမအဆင့်အနေဖြင့် Spelling , Pronounciation , Meaning သုံးမျိုးအကြောင်း လက်ဆင့်ကမ်း ဖော်ပြလိုက်ရပါသည်